मन्त्री पौडेलको स्वास्थ्यमा क्रमिक सुधार

नेपाल हेल्थ न्युज, काठमाडौं । स्वास्थ्य तथा जनसङ्ख्यामन्त्री प्रदीप पौडेलको स्वास्थ्य अवस्था सुधारोन्मुख रहेको छ ।

हाल वीर अस्पतालमा उपचाररत मन्त्री पौडेलको उपचार अस्पतालका निर्देशक प्राडा दिलीप शर्माको नेतृत्वमा चिकित्सकहरूको टोलीले निगरानीका साथ गरिरहेको छ ।

अस्पतालद्वारा जारी गरिएको सुचना अनुसार, ज्वरो देखिएपछि मन्त्री पौडेललाई असार १४ गते अस्पताल भर्ना गरिएको हो । थाइल्यान्डमा आयोजित एक कार्यक्रममा सहभागी भएर नेपाल फर्किएपछि उहाँको स्वास्थ्यमा समस्या देखिएको थियो । हाल उहाँको स्वास्थ्यमा क्रमिक सुधार भइरहेको बताइएको छ ।