स्वास्थ्य मन्त्रालयद्वारा कार्यसम्पादन मूल्याङ्कन फाराम पेश गर्न निर्देशन

नेपाल हेल्थ न्यूज, काठमाडौं। स्वास्थ्य तथा जनसंख्या मन्त्रालयले आर्थिक वर्ष २०८१/८२ का लागि स्वास्थ्यकर्मीहरूको कार्यसम्पादन मूल्याङ्कन फाराम समयमै पेश गर्न सम्बन्धित विभाग, अस्पताल तथा मातहतका कार्यालयहरूलाई निर्देशन दिएको छ।

मन्त्रालयले नेपाल स्वास्थ्य सेवा ऐन तथा नियमावली, २०५५ को अनुसूची–१७ बमोजिमको ढाँचा अनिवार्य रूपमा अपनाउनुपर्ने जनाएको छ। सो अनुसार, नियम ७१ अन्तर्गत तोकिएको कार्यसम्पादन मूल्याङ्कन फाराम तयार गरी आवश्यक मूल्याङ्कन प्रक्रियासहित तोकिएको ढाँचामा मन्त्रालयमा पेश गर्न निर्देशन दिइएको हो।

मन्त्रालयले सम्बन्धित निकायहरूलाई तोकिएको म्यादभित्रै फाराम पेश गर्न र प्रक्रिया सुचारु ढंगले सम्पन्न गर्न विशेष ध्यान दिन पनि आग्रह गरेको छ।