न्युरो अस्पतालमा ३० जना नर्सका लागि रोजगारीको अवसर

नेपाल हेल्थ न्युज, काठमाडौं । बाँसबारीस्थित न्युरो अस्पतालले स्टाफ नर्सका लागि रोजगारीको अवसर खुला गरेको छ। अस्पतालले ३० जना स्टाफ नर्सको आवश्यकता रहेको जनाएको छ। 

यसका लागि इच्छुक उम्मेदवारले मान्यता प्राप्त शिक्षण संस्थाबाट पिसिएल, बीएससी वा बीएन नर्सिङ अध्ययन पूरा गरेको हुनु आवश्यक छ। साथै, नेपाल नर्सिङ काउन्सिलको वैध लाइसेन्स प्राप्त गरेको हुनुपर्छ। अनुभव भएका व्यक्तिहरूलाई प्राथमिकता दिइने भए तापनि नयाँ स्नातक (फ्रेसर) ले पनि आवेदन दिन सक्ने व्यवस्था गरिएको छ।

इच्छुकले आफ्नो आवेदन असार २५ गतेसम्म पेश गर्न सक्नेछन्। थप जानकारीको लागि अस्पतालको प्रशासन शाखासँग सम्पर्क गर्न सकिन्छ।