चिकित्सक आन्दोलन समाधान गर्न तीन मन्त्रीबीच स्वास्थ्य मन्त्रालयमा छलफल

नेपाल हेल्थ न्युज, काठमाडौं । नेपाल चिकित्सक संघले उठाएका मागहरूमाथि छलफल गर्न स्वास्थ्य, कानुन र उद्योगमन्त्रीबीच आज विशेष बैठक भइरहेको छ।

स्वास्थ्य मन्त्रालयमा मंगलबार स्वास्थ्यमन्त्री प्रदीप पौडेल, कानुनमन्त्री अजय चौरसिया र उद्योगमन्त्री दामोदर भण्डारी सहभागी रहेको बैठकमा चिकित्सक आन्दोलन समाधानका उपायहरूबारे छलफल जारी छ।

उपभोक्ता अदालतको पछिल्लो फैसलापछि असन्तुष्ट चिकित्सकहरू आन्दोलित छन्। उनीहरूले आकस्मिक र सघन उपचारबाहेकका नियमित सेवा बन्द गरेका छन्।

नेपाल मेडिकल काउन्सिलमा लाइसेन्स बुझाउने तयारी समेत सुरु गरिएको छ। डा. कार्कीका अनुसार, चिकित्सकहरूले आफ्नो प्रमाणपत्र इमेलमार्फत संकलन गरिरहेका छन् र मंगलबार बेलुकासम्मै ती प्रमाणपत्र काउन्सिलमा बुझाउने योजना बनाइएको छ।