डा. साइमा वाजेद अनिश्चितकालका लागि निलम्बित

नेपाल हेल्थ न्युज,काठमाडौं । विश्व स्वास्थ्य संगठन का दक्षिणपूर्वी एसियाली क्षेत्रका निर्देशक डा. साइमा वाजेदलाई अनिश्चितकालीन बिदामा पठाइएको छ। संगठनका प्रमुख डा. टेड्रोस अधानोम गेब्रेयससले सदस्य राष्ट्रहरूलाई इमेलमार्फत उक्त निर्णयबारे जानकारी गराएका हुन्।

डा. वाजेदलाई ११ जुलाईदेखि लागू हुने गरी कार्यमुक्त गरिएको भए पनि उनको निलम्बनको स्पष्ट कारण भने औपचारिक रूपमा सार्वजनिक गरिएको छैन। यद्यपि, बंगलादेशको भ्रष्टाचार विरोधी आयोग (एसीसी) ले सोही दिन उनीविरुद्ध ठगी, कागजात किर्ते तथा पदको दुरुपयोगसम्बन्धी मुद्दा दर्ता गरेको थियो।

विवादित शैक्षिक योग्यताको प्रस्तुति र शक्तिको दुरुपयोग गरी नियुक्ति पाएको आरोपका बीच उनी बंगलादेशकी प्रधानमन्त्री शेख हसिनाकी छोरी समेत हुन्, जसले नियुक्तिको निष्पक्षता माथि प्रश्न उठाएको छ।

उनको अनुपस्थितिमा कार्यकारी भूमिकाका लागि डा. काथारीना बोहमेलाई जिम्मेवारी दिइएको छ, जो १५ जुलाईमा दिल्ली पुग्ने कार्यक्रम रहेको बताइएको छ।