न्यूरो अस्पतालमा २० जना स्टाफ नर्सको माग

नेपाल हेल्थ न्युज, काठमाडौं ।  बाँसबारीमा अवस्थित न्यूरो अस्पतालले स्टाफ नर्स पदका लागि नयाँ नियुक्तिको प्रक्रिया आरम्भ गरेको छ। अस्पतालले सार्वजनिक सूचना जारी गर्दै २० जना नर्स आवश्यक रहेको जानकारी दिएको छ।

योग्य उम्मेदवारले मान्यता प्राप्त शैक्षिक संस्थाबाट पिसिएल र बिएससी नर्सिङ पास गरेको हुनुपर्छ। साथै, नेपाल नर्सिङ काउन्सिलबाट जारी लाइसेन्स अनिवार्य छ।

यस पदका लागि कम्तीमा एक वर्षको कार्य अनुभव भएकाहरूले मात्र आवेदन दिन सक्नेछन्। इच्छुक व्यक्तिहरूले  साउन १६ गतेभित्र आवेदन बुझाइसक्नुपर्नेछ। अधिक जानकारीको लागि अस्पतालद्वारा प्रकाशित सूचना हेर्न सकिन्छ।