टाउको दुखाइ, वान्ता र रिँगटा: घरमै जङ्गली च्याउ खाँदा यस्तो भयो

नेपाल हेल्थ न्युज, म्याग्दी । पश्चिम म्याग्दीको मालिका गाउँपालिका –२ रूममा जङ्गली च्याउ खाँदा एकै परिवारका पाँच जना बिरामी परेका छन्।

मालिका गाउँपालिका –२ का वडा अध्यक्ष उदयकुमार बुढाथोकीले जानकारी दिनुभयो कि रूमको भिरखर्कमा बस्ने रेबहादुर पुनको परिवारका पाँचजना शुक्रबार जङ्गली च्याउ खाएपछि बिरामी भएका हुन्।

च्याउ सेवनपछि टाउको दुखाइ, रिँगटा लाग्ने र वान्ता हुने जस्ता लक्षण देखिएका कारण उनीहरूलाई शुक्रबार राति उपचारका लागि स्वास्थ्य चौकी लगिएको थियो।

स्वास्थ्य चौकीका प्रमुख हिमाल घर्ती मगरका अनुसार बिरामीको अवस्था खतरामुक्त रहेको छ र शनिबार सबैलाई डिस्चार्ज गरिएको छ।

वडा अध्यक्ष बुढाथोकीले जानकारी दिनुभयो कि बिरामीहरू घर फर्किसकेपछि पनि स्वास्थ्य चौकीबाट प्रत्यक्ष निगरानीमा राख्न निर्देशन दिइएको छ।

स्वास्थ्यकर्मीहरूले चेतावनी दिएका छन् कि मानव शरीरका लागि च्याउ अत्यन्तै पौष्टिक भए पनि जङ्गलमा पाइने सबै खालका च्याउ मानव स्वास्थ्यका लागि उपयुक्त नहुने हुन सक्छन्।