जेन-जी आन्दोलन जायज थियो, दोषी सरकार हो : प्रदीप पौडेल

नेपाल हेल्थ न्युज, काठमाडौं । निवर्तमान स्वास्थ्य मन्त्री तथा नेपाली कांग्रेसका नेता प्रदीप पौडेलले असोज २३ गते काठमाडौंमा भएको जेन-जी आन्दोलनबारे स्पष्ट धारणा सार्वजनिक गरेका छन्। उनले उक्त आन्दोलनलाई  जेन-जी को मर्यादित र सही आन्दोलन भन्दै सरकारलाई मुख्य दोषी करार गरेका छन्।

पौडेलले भने, २३ गतेको घटना  जेन-जीहरुको आन्दोलन थियो। उनिहरुले उठाएका मुद्दा सहि थियो — भ्रष्टाचार अन्त्य, सुशासनको माग, र सामाजिक सञ्जाल खोल्नुपर्ने जस्ता विषयहरू सम्पूर्ण रुपमा जायज थिए।

उनले आन्दोलन शान्तिपूर्ण ढंगले भएको भन्दै सरकारको प्रतिक्रिया असंवैधानिक र कठोर भएको आरोप लगाए। २३ गते जुन घटना भयो, त्यसको दोषी जेन-जी होइन, सरकार हो। त्यो सरकारमा म पनि थिएँ, त्यसैले म सजाय भोग्न तयार छु। अब छानबिन हुनु आवश्यक छ, पौडेलले थपे।