राप्ती स्वास्थ्य विज्ञान प्रतिष्ठानको उपकुलपति डा. लामिछानेले दिए राजीनामा

नेपाल हेल्थ न्युज, काठमाडौं । राप्ती स्वास्थ्य विज्ञान प्रतिष्ठानका उपकुलपति डा. विकास लामिछानेले पदबाट राजीनामा दिनुभएको छ। उहाँले व्यक्तिगत कारण र स्वास्थ्य अवस्थाका कारण देखाउँदै राजीनामा बुझाएको जानकारी प्राप्त भएको छ।

प्रतिष्ठानका एक स्रोतका अनुसार, डा. लामिछानेले आफ्नो राजीनामा पत्र प्रधानमन्त्री कार्यालयमा बुझाइसक्नुभएको छ। उहाँले घरपरिवार र स्वास्थ्य समस्याका कारण पदबाट अलग हुने निर्णय लिनुभएको बुझिएको छ, स्रोतले जानकारी दियो।

डा. लामिछानेको कार्यकाल आगामी १० फागुनमा समाप्त हुने थियो। उहाँ २०७८ सालको फागुनमा तत्कालीन प्रधानमन्त्री शेरबहादुर देउवाको सिफारिसमा उपकुलपतिमा नियुक्त हुनुभएको थियो।