झाडापखालाबाट एकै परिवारका तीनजनाको मृत्यु, प्रभावित क्षेत्रमा स्वास्थ्यकर्मीले नमुना सङ्कलन गरिँदै

नेपाल हेल्थ न्युज, सप्तरी । सप्तरीको छिन्नमस्ता गाउँपालिका–५, लोखरम मुसहरी टोलमा झाडापखालाबाट प्रभावित भएका क्षेत्रका घरघरमा स्वास्थ्यकर्मीको टोली पुगेको छ। टोलीले हाल घर–घरमा गएर पखालाका नमुना सङ्कलन गर्दैछन्।

कोचाबखारी स्वास्थ्य चौकी, लोखरमका प्रमुख आलोक रन्जन झाले बताए अनुसार सङ्कलन गरिएका नमुना परीक्षणका लागि पठाइँदैछन् र परीक्षणपछि उपचार प्रक्रिया अगाडि बढाइनेछ।

मुसहर बस्तीमा झाडापखालाबाट एकै परिवारका तीनजनाको मृत्यु भइसकेको छ। अहिलेसम्म करिब १५ जनाको पखालाका नमुना सङ्कलन गरिएको स्वास्थ्यकर्मीहरूले जानकारी दिएका छन्।