स्वास्थ्य बिमा सेवा ‘प्रणाली’मा प्राविधिक समस्या

नेपाल हेल्थ न्युज, चितवन । स्वास्थ्य बिमा सेवा प्रणालीमा आएको प्राविधिक समस्याका कारण देशभरका बिरामी प्रभावित भएका छन्। प्रणाली सुचारु नहुनु र थुप्रै बिरामीलाई समयमै सेवा नपाउँदा अस्पतालका काउन्टरहरूमा अत्यधिक भीड र झगडाहरू देखिएका छन्।

भरतपुर अस्पतालका स्वास्थ्य बिमा इन्चार्ज, लीलाधर पौडेलका अनुसार, बुधबार र बिहीबारका दिन  बिरामीलाई बिमा सेवाको टिकट दिन नसकेको र उनीहरूलाई लामो समयसम्म प्रतिक्षा गर्न बाध्य पारिएको छ।

पौडेलले बताउनुभयो कि, 'प्रणाली असहज चल्नाले ५०० भन्दा बढी बिरामीलाई टिकट काट्न नसक्दा उनीहरू अस्पतालबाट फर्किएका छन्। दिनभर लगाएर एक हजार ६२६ जनाको टिकट काटिएको उहाँले बताउनुभयो ।

 यदि प्रणाली ठीकसँग चल्दो हो भने, दुई हजार २०० बिरामीलाई समयमै टिकट दिन सकिन्थ्यो।' अस्पतालको बिमा टिकट काउन्टरमा कार्यरत वसन्ती चिलवालले पनि विगत चार दिनदेखि नयाँ टिकट जारी गर्न सकिएको छैन भन्ने बताउनुभयो।

यही समस्या अन्य अस्पतालमा पनि देखिएको छ। विराट मेडिकल कलेज, कोशी अस्पताल, बीपी कोइराला स्वास्थ्य विज्ञान प्रतिष्ठान जस्ता प्रमुख अस्पतालहरूले बिमा बोर्डलाई समस्याबारे जानकारी दिइसकेका छन्। बोर्डका कार्यकारी निर्देशक रघुराज काफ्लेले यस समस्याका कारणको बारेमा भनिरहनुभयो कि, 'जब बोर्डको सिस्टम स्थापना भएको थियो, त्यस समयमा सेवा प्रयोग गर्ने सङ्ख्या निकै कम थियो।

तर अहिले बिमाको सेवा प्रयोग गर्ने सङ्ख्या अत्यधिक वृद्धि भइसकेको छ। यो बढ्दो चापले सिस्टममा समस्याहरु निम्त्याएको हो।' काफ्लेले थप जानकारी दिँदै भन्नुभयो, 'सिस्टमको अपग्रेड गर्ने प्रक्रिया लामो समयको काम हो र यसमा एक हप्तासम्म समय लाग्न सक्छ। हाम्रो प्राविधिक टोलीले समस्या समाधान गर्नका लागि काम गरिरहेको छ।'

वर्तमानमा, बिमा बोर्ड अन्तर्गतको प्रणालीले दैनिक ८०, हजार  भन्दा बढी सेवा प्रयोगकर्तालाई सेवा दिइरहेको छ। प्रणालीमा जडान भएका सेवाग्राहीहरूको सङ्ख्या ६५ लाख नाघिसकेको छ।