स्वास्थ्य सेवा विभागका महानिर्देशक डा. टंक बाराकोटीको राजीनामा

नेपाल हेल्थ न्युज, काठमाडौं । स्वास्थ्य सेवा विभागका महानिर्देशक डा. टंक बाराकोटीले शुक्रबार पदबाट राजीनामा दिनुभएको छ ।

उहाँले स्वास्थ्य तथा पारिवारिक कारण देखाउँदै पदत्याग गरेको जानकारी दिनुभएको छ । 

गत फागुनमा महानिर्देशक बन्नुभएका डा. बाराकोटी करिब नौ महिना विभागमा काम गर्नुभयो ।  डा. विकास देवकोटा स्वास्थ्य सचिवमा बढुवा भएपछि उहाँले विभागको महानिर्देशकको जिम्मेवारी सम्हाल्नुभएको थियो । 
२५ वर्षभन्दा बढी समय सरकारी सेवामा बिताउनुभएका डा. बाराकोटी बालरोग विशेषज्ञका रूपमा परिचित हुनुहुन्छ।