कान्ति बाल अस्पतालमा करार सेवाका ४२ जना स्वास्थ्यकर्मीको माग

नेपाल हेल्थ न्युज, काठमाडौं । महाराजगञ्जस्थित कान्ति बाल अस्पतालले करार सेवाका लागि विभिन्न पदमा स्वास्थ्यकर्मचारी माग गरेको छ। अस्पतालले २४ जना मेडिकल अधिकृत (आठौँ तह), १७ जना स्टाफ नर्स (पाँचौँ तह) तथा १ जना बायोमेडिकल इन्जिनियर (आठौँ तह) पदका लागि दरखास्त आह्वान गरेको जानकारी दिएको छ।

इच्छुक तथा योग्यता पुगेका उम्मेदवारले आजदेखि १८ मंसिर भित्र आवेदन दिन सक्नेछन्। आवेदन फारम अस्पतालको आधिकारिक वेबसाइटबाट डाउनलोड गर्न मिल्ने अस्पतालले जनाएको छ। उम्मेदवारहरूको छनोट प्रक्रिया लिखित परीक्षा र अन्तर्वार्ता मार्फत गरिने अस्पतालले स्पष्ट पारेको छ।

थप जानकारीका लागि हेर्नुहोस्