चितवनमा एकै दिन चारजनामा स्क्रब टाइफस संक्रमण

नेपाल हेल्थ न्युज, चितवन । चितवन जिल्लामा स्क्रब टाइफसको संक्रमण फेरि बढ्न थालेको छ। जिल्ला जनस्वास्थ्य कार्यालयका चितवन अनुसार मात्र चारजनामा रोग पुष्टि भएको छ, तीमध्ये तीनजना रत्ननगर नगरपालिका र एक जना खैरहनी नगरपालिकामा रहेका छन्।

योसँगै चालु वर्षमा जिल्लाभर स्क्रब टाइफस संक्रमितको संख्या ४०६ पुगेको कार्यालयले जनाएको छ। अहिलेसम्म ५ हजार ७१३ जनाको परीक्षण गरिएकोमा ४०६ जनामा संक्रमण भेटिएको छ।

स्थानीय तह अनुसार हालसम्म भरतपुर महानगरपालिकामा २९, खैरहनीमा ७२, माडीमा ५, रत्ननगरमा ११९, राप्तीमा २७, कालिकामा ३७ र इच्छाकामना गाउँपालिकामा ७ जनामा संक्रमण पुष्टि भएको जनाइएको छ।