नेपाल मेडिकल काउन्सिलको निर्वाचनः २१ मतदान केन्द्र तोकियो, पुष ४ बाट मतदान सुरु

नेपाल हेल्थ न्युज, काठमाडौं ।  नेपाल मेडिकल काउन्सिलको आगामी निर्वाचनका लागि २१ मतदान केन्द्र तोकिएको छ। निर्वाचन आगामी पुष ४ गतेबाट सुरु हुँदैछ।

काठमाडौं बाहिर मतदान पुष ४ र ५ गते, भने काठमाडौंमा मतदान पुष ११ र १२ गते सञ्चालन हुनेछ। यस पटक काउन्सिलमा एक उपाध्यक्ष र आठ सदस्यको लागि निर्वाचन हुन लागेको छ। सदस्यतर्फ ३३ जनाले उम्मेदवारी दिएका छन्।

निर्वाचनका लागि तोकिएका प्रमुख मतदान केन्द्र

पूर्वाञ्चल क्षेत्रः प्रादेशिक अस्पताल भद्रपुर (झापा), कोशी अस्पताल विराटनगर, बिपी कोइराला स्वास्थ्य विज्ञान प्रतिष्ठान धरान, गजेन्द्र नारायण सिंह अस्पताल सप्तरी, प्रादेशिक अस्पताल लहान, जनकपुर प्रादेशिक अस्पताल धनुषा, नारायणी अस्पताल वीरगञ्ज।

मध्य नेपालः मदन भण्डारी स्वास्थ्य विज्ञान प्रतिष्ठान हेटौडा, भरतपुर अस्पताल चितवन, पोखरा स्वास्थ्य विज्ञान प्रतिष्ठान कास्की, लुम्बिनी प्रादेशिक अस्पताल रुपन्देही, पाल्पा अस्पताल, राप्ती स्वास्थ्य विज्ञान प्रतिष्ठान।

पश्चिम र अन्य क्षेत्रः भेरी अस्पताल, प्रादेशिक अस्पताल कर्णाली, कर्णाली स्वास्थ्य विज्ञान प्रतिष्ठान, धुलिखेल अस्पताल।

काठमाडौं उपत्यकाः नेशनल एसेम्बली काठमाडौं र नेपाल एडमिनिस्ट्रेटिभ स्टाफ अस्पताल ललितपुर।

नेपाल मेडिकल काउन्सिलको यो निर्वाचन स्वास्थ्य क्षेत्रमा निर्णय प्रक्रियामा सहभागीता बढाउने महत्वपूर्ण अवसरका रूपमा लिइएको छ।