सरकारले ‘जेन–जी’ आन्दोलनका लक्ष्यअनुसार काम गरिरहेकोः मन्त्री गौतम

नेपाल हेल्थ न्युज, काठमाडौं । स्वास्थ्य तथा जनसंख्यामन्त्री डा. सुधा गौतमले सरकारले ‘जेन–जी’ आन्दोलनका उद्देश्यअनुसार काम गरिरहेको बताउनुभएको छ।

बुधबार काठमाडौंमा आयोजित एक कार्यक्रममा मन्त्री गौतमले सरकारले भ्रष्टाचारमुक्त, सुन्दर र सबल शासन प्रणाली निर्माण गर्ने लक्ष्यका साथ एकजुट भएर काम गरिरहेको दाबी गर्नुभयो।

उहाँले मानसिक स्वास्थ्यसम्बन्धी चुनौती समाधान गर्न आवश्यक बजेट सुनिश्चित गर्न सरकार तयार रहेको उल्लेख गर्दै, सबै स्थानमा आवश्यक औषधि र उपचारको पहुँच बढाउने कामलाई प्राथमिकताका साथ अगाडि बढाइरहेको जानकारी दिनुभयो।

मन्त्री गौतमले सरकारको योजनाले जनताको स्वास्थ्य र भलाइमा सकारात्मक प्रभाव पार्ने अपेक्षा व्यक्त गर्नुभएको छ।