पोखरा स्वास्थ्य विज्ञान प्रतिष्ठानमा करार नियुक्तिका लागि दरखास्त आह्वान

नेपाल हेल्थ न्युज, काठमाडौं । पोखरा स्वास्थ्य विज्ञान प्रतिष्ठानले विभिन्न पदहरूमा करार नियुक्तिका लागि योग्य नेपाली नागरिकबाट दरखास्त आह्वान गरेको छ।

प्रतिष्ठानले सह–प्राध्यापक (सिटीभीटी) १, उप–प्राध्यापक (बायो–केमिस्ट्रि) १, उप–प्राध्यापक (डेन्टल साइन्स) १, उप–प्राध्यापक ( कम्युनिटी हेल्थ नर्सिङ) २, उप–प्राध्यापक (साइकेयाट्री नर्सिङ) १, मेडिकल अधिकृत ३, मेडिकल ल्याब टेक्निसियन ५, एसिस्टेन्ट १ र स्टाफ नर्स ३० पदहरूमा नियुक्ति गर्ने योजना बनाएको छ । 

इच्छुक उम्मेदवारहरूले सम्बन्धित पदको न्यूनतम योग्यता पूरा गरेको प्रमाणपत्र, नागरिकताको प्रतिलिपि र अन्य आवश्यक कागजातसहित प्रतिष्ठानबाट उपलब्ध दरखास्त फारम खरिद गरी, कृषि विकास बैंकको प्रतिष्ठान आम्दानी खातामा दरखास्त दस्तुर जम्मा गरेर निर्धारित समय भित्र दरखास्त पेश गर्न सक्नेछन् । 

सह–प्राध्यापक पदका उम्मेदवारको मूल्यांकन अन्तर्वाता, उप–प्राध्यापक र मेडिकल अधिकृत पदका उम्मेदवारको मूल्यांकन लिखित र अन्तर्वाता गरी हुनेछ । दरखास्त शुल्क पद अनुसार ५०० देखि १५०० रूपैयाँसम्म तोकिएको छ । इच्छुक उम्मेदवारहरूले यो सूचना प्रकाशित भएको मितिदेखि ७ साताभित्र दरखास्त पेश गर्नुपर्नेछ ।