चीनमा जन्मदर बढाउन परिवार नियोजन सामग्रीमा कर वृद्धि

नेपाल हेल्थ न्युज, काठमाडौं । चीन सरकारले जन्मदर बढाउने प्रयासको रूपमा परिवार नियोजनसँग सम्बन्धित केही उत्पादनमा कर वृद्धि गरेको छ। बीबीसीका अनुसार, चीनले कण्डम र अन्य गर्भ निरोधक औषधिमा १३ प्रतिशत बिक्री कर लगाएको छ।

यसको विपरीत, बच्चासँग सम्बन्धित सेवा र सामग्रीमा लागेको कर हटाइएको छ। नयाँ व्यवस्था जनवरी १ देखि लागू भएको छ।

चीनले पछिल्लो समयमा जन्मदर घटेसँगै जनसंख्या वृद्धिमा समस्या भोगिरहेको छ। सन् १९९४ मा एक सन्तान नीति लागू हुँदा कण्डम लगायतका गर्भनिरोधकमा कर छुट दिइएको थियो। यसले गर्दा ती सामग्रीहरू सस्तो भएका कारण प्रयोग बढ्ने अपेक्षा गरिएको थियो। हाल सरकारले सन्तान वृद्धि प्रोत्साहित गर्ने उद्देश्यले यी साधनमा कर लगाउने निर्णय गरेको हो।