नेपाली चिकित्सक डा. दीपक गौतम ‘गेम चेन्जर अफ हेल्थकेयर’ सूचीमा

नेपाल हेल्थ न्युज, काठमाडौं । भारतको प्रतिष्ठित आउटलुक म्यागजिनले सार्वजनिक गरेको ‘गेम चेन्जर अफ हेल्थकेयर’ सूचीमा एक नेपाली चिकित्सक पनि परेका छन्।

घुँडाको शल्यक्रिया तथा रिप्लेसमेन्टमा रोबोटिक प्रविधिको सफल प्रयोग गर्दै आएका हाडजोर्नी विशेषज्ञ डा. दीपक गौतम उक्त सूचीमा समावेश भएका हुन्। स्याङ्जा निवासी डा. गौतम हाल मुम्बईस्थित एपोलो अस्पतालमा हाडजोर्नी विभाग प्रमुखका रूपमा कार्यरत छन्।

उनले हालसम्म धेरै बिरामीमा सफलतापूर्वक रोबोटिक नी रिप्लेसमेन्ट तथा आधुनिक प्रविधिबाट हिप रिप्लेसमेन्ट शल्यक्रिया गरिसकेका छन्।

स्वास्थ्य क्षेत्रमा नवीन प्रविधिको प्रयोगमार्फत उल्लेखनीय योगदान पुर्‍याएको भन्दै आउटलुक ले डा. गौतमसहित भारतका विभिन्न शहरमा कार्यरत सात चिकित्सकलाई ‘गेम चेन्जर अफ हेल्थकेयर का रूपमा सूचीकृत गरेको हो।