पहुँचका आधारमा सुगम क्षेत्रमा बसेका थप ३३ चिकित्सकको काज फिर्ता, को कहाँ ?(नामसहित)

नेपाल हेल्थ न्युज, काठमाडौं । स्वास्थ्य तथा जनसंख्या मन्त्रालयले विशेषज्ञ चिकित्सक र जनस्वास्थ्य प्रशासन क्षेत्रमा कार्यरत थप ३३ जनालाई उनीहरू खटाइएका स्थानबाट फिर्ता बोलाएको छ।

मन्त्रालयले शुक्रबार र आइतबार भएका निर्णयका आधारमा नवौँ र दशौँ तहका चिकित्सकहरूको सूची सार्वजनिक गरेको जनाएको छ। यसअघि पनि मन्त्रालयले २० जनालाई यसैगरी फिर्ता बोलाइसकेको थियो।

स्रोतका अनुसार, पहुँचका आधारमा सहज क्षेत्र रोजेर बसेका कर्मचारीलाई अब उनीहरूको वास्तविक दरबन्दी भएको ठाउँमै पठाउने तयारी मन्त्रालयले गरेको छ।