प्रादेशिक जलेश्‍वर अस्पतालको अध्यक्षमा ठाकुर नियुक्त

नेपाल हेल्थ न्युज, महोत्तरी। महोत्तरीको जलेश्वरस्थित प्रादेशिक अस्पतालको सञ्चालन तथा व्यवस्थापन समितिको नेतृत्व अब रोहित प्रसाद ठाकुरले सम्हाल्ने भएका छन्। मधेश प्रदेश सरकारअन्तर्गत स्वास्थ्य तथा जनसङ्ख्या मन्त्रालयले उनलाई समितिको अध्यक्षमा नियुक्त गरेको हो।

मन्त्रालयले अस्पताल सञ्चालन तथा व्यवस्थापन समिति गठनसम्बन्धी कार्यविधि, २०७९ को दफा ३ को उपदफा १ (क) बमोजिम ठाकुरलाई उक्त जिम्मेवारी दिइएको जनाएको छ। नियुक्तिपछि उनले औपचारिक रूपमा पदभार समेत ग्रहण गरिसकेका छन्।