त्रिभुवन विश्वविद्यालय शिक्षण अस्पतालको नयाँ कार्यालय समय लागू

नेपाल हेल्थ न्युज, काठमाडौं । त्रिभुवन विश्वविद्यालय शिक्षण अस्पतालले नयाँ कार्यालय समय सम्बन्धी अत्यन्त जरूरी सूचना जारी गरेको छ। नेपाल सरकारको हालै प्रकाशित सूचना तथा विश्वविद्यालयको कार्यकारी परिषदको चैत २३ गतेको निर्णयअनुसार अस्पतालमा कार्यालय समय परिवर्तन गरिएको हो।

नयाँ व्यवस्था अनुसार अब अस्पतालको नियमित कार्यालय समय बिहान ९ बजेदेखि साँझ ५ बजेसम्म रहनेछ। साथै, शनिबार र आइतबार बिदा दिने निर्णय पनि गरिएको छ।

अस्पताल प्रशासनका अनुसार यस निर्णयले बिरामीहरूलाई पर्न सक्ने असुविधालाई ध्यानमा राख्दै ओ.पि.डी. सेवा र शल्यक्रियाहरू शुक्रबार पूरा दिन सञ्चालन गरिनेछ भने अन्य दिनहरूमा आवश्यकतानुसार व्यवस्थापन गरिनेछ। अस्पतालले सेवाग्राहीहरूलाई नयाँ समयतालिका अनुसार सेवा लिन अनुरोध गरेको छ।