औषधि व्यवस्था विभागका महानिर्देशक ढकाल तानिए स्वास्थ्य मन्त्रालय

नेपाल हेल्थ न्युज, काठमाडौं । काठमाडौंमा औषधी व्यवस्थापनसँग सम्बन्धित एक घटनाक्रममा नारायणप्रसाद ढकाल लाई औषधी व्यवस्था विभागबाट स्वास्थ्य तथा जनसंख्या मन्त्रालयमा बोलाइएको छ।

स्वास्थ्य तथा जनसंख्या मन्त्री निशा मेहता ले बिहीबार मन्त्रीस्तरीय निर्णय गर्दै ढकाललाई मन्त्रालयमा उपस्थित हुन निर्देशन दिएकी हुन्।

यसअघि प्रतिनिधि सभाको बैठकमा सांसद राजीव खत्री ले ढकालमाथि औषधीको मूल्य वृद्धि गराउन भूमिका खेलेको आरोप लगाएका थिए। उक्त विषय सार्वजनिक भएपछि प्रधानमन्त्री तथा मन्त्रिपरिषद्को कार्यालयले ढकालसँग स्पष्टीकरण मागेको थियो।

घटनाक्रमबीच औषधी व्यवस्था विभागले औषधी मूल्यसम्बन्धी विषयमा आफ्नो धारणा सार्वजनिक गर्न खोज्दै विज्ञप्ति जारी गरेको थियो। तर सो कदम अघि बढ्न नपाउँदै मन्त्रालयले उनलाई बोलाउने निर्णय गरिसकेको थियो।