नेपाल फार्मेसी परिषद्को निमित्त रजिष्ट्रारमा उषा तण्डुकार नियुक्त

नेपाल हेल्थ न्युज, काठमाडौं । नेपाल फार्मेसी परिषद्को रजिष्ट्रारको जिम्मेवारी उषा तण्डुकारलाई तोकिएको छ। स्वास्थ्य मन्त्री निशा मेहताले गत शुक्रबार मन्त्रीस्तरीय निर्णय गर्दै अर्को व्यवस्था नभएसम्मका लागि तण्डुकारलाई परिषद्को रजिष्ट्रारको जिम्मेवारी प्रदान गरेकी छन्।

बरिष्ठ औषधी व्यवस्थापक (१० औँ तह) तण्डुकार हाल स्वास्थ्य तथा खाद्य स्वच्छता मन्त्रालयको गुणस्तर मापन तथा नियमन महाशाखामा कार्यरत थिइन्।

यसअघि परिषद् रजिष्ट्रार सञ्जीवकुमार पाण्डेयले २२ बैशाखमा पदबाट राजीनामा दिएका थिए। सरकारले हालै ल्याएको ‘सार्वजनिक पदाधिकारीको पदमुक्ति सम्बन्धी विशेष व्यवस्था अध्यादेश २०८३’ ले उनलाई जोगाएको भए पनि नयाँ परिस्थिति सिर्जना भएपछि पाण्डेयले राजीनामा दिएका थिए।