कान्ति बाल अस्पतालको निर्देशकमा डा. रामहरी चापागाईं नियुक्त

नेपाल हेल्थ न्युज, काठमाडौं । सरकारले कान्ति बाल अस्पतालको निर्देशक परिवर्तन गरेको छ। स्वास्थ्य तथा खाद्य स्वच्छता मन्त्रालयले अस्पतालका निर्देशक डा. पंकज रायलाई जिम्मेवारीबाट हटाउँदै डा. रामहरी चापागाईंलाई नयाँ निर्देशकको जिम्मेवारी दिएको हो।

मन्त्रालयले करिब तीन वर्षपछि अस्पतालको नेतृत्व परिवर्तन गरेको हो। डा. पंकज राय २०८० सालको भदौ १३ गते कान्ति बाल अस्पतालको निर्देशकमा नियुक्त भएका थिए। मन्त्रालयले मंगलबार उनलाई पदबाट हटाउँदै डा. चापागाईंलाई निर्देशकको जिम्मेवारी सुम्पिएको जनाएको छ।

नवनियुक्त निर्देशक डा. रामहरी चापागाईं कान्ति बाल अस्पतालमै कार्यरत ११औँ तहका वरिष्ठ चिकित्सक हुन्। मन्त्रालयले निर्देशक परिवर्तनको औपचारिक निर्णय मंगलबार सार्वजनिक गरेको थियो।