स्वास्थ्य मन्त्रालयअन्तर्गत कर्मचारीको जिम्मेवारी हेरफेर, को कहाँ ?

नेपाल हेल्थ न्युज, काठमाडौं । स्वास्थ्य तथा खाद्य स्वच्छता मन्त्रालय मातहतका केही कर्मचारीको जिम्मेवारी हेरफेर गरिएको छ ।

मन्त्रालयका सहसचिव दिवश आचार्यका अनुसार स्वास्थ्य सेवा विभागअन्तर्गतको परिवार कल्याण महाशाखाका प्रमुख डा. मदन उपाध्यायलाई सरुवा गरी वीर अस्पताल पठाउने निर्णय भएको छ ।

उपाध्यायको सरुवासँगै परिवार कल्याण महाशाखाको प्रमुखको जिम्मेवारी डा। ओम अर्याललाई दिइएको छ । डा. अर्याल यसअघि भरतपुर अस्पतालमा कार्यरत थिए ।

त्यस्तै, डा. हेमन्त ओझालाई स्वास्थ्य आपत्कालीन कार्यसञ्चालन केन्द्रको प्रमुखको जिम्मेवारी दिइएको छ । डा. ओझा यसअघि स्वास्थ्य सेवा विभागअन्तर्गतको उपचारात्मक महाशाखामा कार्यरत थिए ।

मन्त्रालयले नियमित प्रशासनिक व्यवस्थापन तथा सेवा प्रवाहलाई प्रभावकारी बनाउने क्रममा कर्मचारीको जिम्मेवारी हेरफेर गरेको हो ।