इन्टर्न डाक्टरहरूको मासिक निर्वाह भत्तालाई निरन्तरता दिइने

नेपाल हेल्थ न्युज, काठमाडौैं। पोखरास्थित गण्डकी मेडिकल कलेजमा एमबीबीएस इन्टर्नसिप गरिरहेका प्रशिक्षार्थी चिकित्सकहरूले उठाएका मागका सम्बन्धमा कलेज व्यवस्थापन समिति र आन्दोलनरत विद्यार्थी प्रतिनिधिबीच आइतबार सहमति भएको छ।

सहमतिअनुसार इन्टर्न चिकित्सकहरूलाई यसअघि उपलब्ध गराउँदै आएको मासिक निर्वाह भत्तालाई निरन्तरता दिइनेछ।

त्यसैगरी, इन्टर्न चिकित्सकहरूले उठाएका अन्य विषयमा स्वास्थ्य मन्त्रालय तथा सम्बन्धित नियमनकारी निकायबाट प्राप्त हुने निर्देशनअनुसार आवश्यक प्रक्रिया अघि बढाउने सहमति भएको छ।

सहमति जुटेसँगै आन्दोलनरत इन्टर्न चिकित्सक र कलेज व्यवस्थापनबीच देखिएको विवाद समाधानतर्फ अघि बढेको छ।