भोटेकोशी बाढीमा मृत्यु हुनेको संख्या ४७५ पुग्यो

नेपाल हेल्थ न्युज, काठमाडौं । रसुवाको भोटेकोशीमा आएको बाढीमा परी मृत्यु हुनेको संख्या ४ सय ७५ पुगेको छ। प्रहरी प्रधान कार्यालयका अनुसार शुक्रबार बिहानसम्म विभिन्न जिल्लाबाट ४७५ जनाको शव फेला परेको हो।

प्रहरीका अनुसार रसुवामा १२, नुवाकोटमा ३७, धादिङमा २७ र चितवनमा १७९ जनाको शव फेला परेको छ। यस्तै, गोरखामा ४४, तनहुँमा २८ र नवलपरासी पूर्वमा ११० जनाको शव भेटिएको प्रहरीले जनाएको छ।

बाढीपछि सम्पर्कविहीन भएका व्यक्तिहरूको खोज तथा उद्धार कार्यलाई तीव्र पारिएको छ। खोज तथा उद्धारका लागि तीनवटै सुरक्षा निकायबाट ठूलो संख्यामा उद्धारकर्मी परिचालन गरिएको प्रहरी प्रधान कार्यालयले जनाएको छ।

सम्पर्कविहीनहरूको खोजी तथा उद्धार कार्य जारी रहेकाले मृतकको संख्या थप बढ्न सक्ने प्रहरीले जनाएको छ।