काठमाडौंमा २ जनासहित आज थप ४ जना संक्रमितको मृत्यु

जनस्वास्थ्य सरोकार, काठमाडौं । नेपालमा कोरोना संक्रमणबाट मृत्यु हुनेको संख्या ७९ पुगेको छ । आज थप ४ जनाको मृत्यु भएको स्वास्थ्य तथा जनसंख्या मन्त्रालयका प्रवत्ता प्रा. डा. जागेश्वर गौतमले जानकारी दिनुभयो । उहाँका अनुसार मृत्यु हुनेमा काठमाडौंमा २ जना, पर्सा र बाँकेमा एक, एक जना रहेका छन् । नेपालमा कोरोना संक्रमितको संख्या २३ हजार ३१० पुगेको छ । आज ३३८ जना थपिएका छन् । आजसम्म सक्रिय संक्रमितको संख्या ६,७३८ छ । आज ८ हजार ४३२ को परिक्षण गरिएको थियो । यस्तै निको हुनेको संख्या १६ हजार ४९३ पुगेको छ । आज १४९ जना निको भएका छन् । संक्रमित शुन्य भएका जिल्ला ६ वटा छन् ।