मेलानलाई १ सय थान ज्याकेट उपहार

जनस्वास्थ्य सरोकार, काठमाडौँ । विश्वव्यापी महामारिको रुपमा फैलिरहेको कोभिड–१९को विरुद्ध अग्रपंक्तिमा खटिरहेका प्रयोगशालाकर्मीको पहिचान एवं सहजीकरणका लागि के.डि.एम. फाउण्डेशन नेपालले मेडिकल ल्यावोरेटरी एसोसिएसन अफ नेपाल (मेलान)लाई दुवै संस्थाका लोगो अंकित १०० थान ज्याकेट प्रदान गरेको छ ।

फाउण्डेशनको तर्फबाट संस्थापक सुरेश कुमार अधिकारीले मेलानका केन्द्रीय अध्यक्ष राजेन्द्र खड्कालाई ज्याकेट हस्तान्तरण गर्नुभएको थियो । उक्त समारोहमा मेलानका वरिष्ठ उपाध्यक्ष देवराज गौतम, सचिव रोसन परियार, कोषाध्यक्ष पिताम्बर पन्त लगायत फाउन्डेशनका संस्थापकलगायतका पदाधिकारीहरुको उपस्थिती रहेको थियो ।

यस किसिमको सहयोगले कार्यक्षेत्रमा खटिने प्रयोगशालाकर्मीको पहिचान सहज हुनुको साथै मनोवल समेत उच्च हुने मेलानका केन्द्रिय अध्यक्ष खड्काले बताउनुभयो ।