काठमाडौं उपत्यकामा ६४५ संक्रमित थपिए

जनस्वास्थ्य सरोकार, काठमाडौँ । काठमाडौँ उपत्यकामा आज ६४५ जना कोरोना संक्रमित थपिएका छन् । मन्त्रालयका  प्रवक्ता प्रा.डा. जागेश्वर गौतमका अनुसार काठमाडौं जिल्लामा ५०३, ललितपुरमा ९१ र भक्तपुरमा ५१ जना संक्रमित थपिएका हुन । पछिल्लो २४ घण्टामा नेपालमा थप १ हजार ३१३ जनामा कोरोना सङ्क्रमण पुष्टि भएको छ । योसँगै नेपालमा कोरोना सङ्क्रमितको सङ्ख्या ७० हजार ६१४ पुगेको छ । कोरोना संक्रमणबाट थप ६ जनाको मृत्यु भएको स्वास्थ्य तथा जनसंख्या मन्त्रालयले जनकारी दिएको छ । यो संगै नेपालमा कोरोना संक्रमणबाट मृत्यु हुनेको संख्या ४५९ पुगेको छ ।