पूर्वप्रधानमन्त्री एवं नेकपाका वरिष्ठ नेता खनालको स्वास्थ्य अवस्था सुधारोन्मुख

जनस्वास्थ्य सरोकार, काठमाडौँ । पूर्वप्रधानमन्त्री एवं नेपाल कम्युनिष्ट पार्टी (नेकपा) का वरिष्ठ नेता झलनाथ खनालको स्वास्थ्य अवस्था सुधारोन्मुख रहेको छ । रक्तचाप बढेका कारण धूम्बारारीस्थित ह्याम्स अस्पतालमा उपचाररत उहाँको स्वास्थ्य अवस्था सुधारोन्मुख रहेको स्वकीय सचिव कृष्ण भट्टराईले जानकारी दिनुभयो । उहाँका अनुसार आज साँझ नेता खनाललाई अस्पतालले डिस्चार्ज गर्ने भएको छ । नेता खनाललाई रक्तचाप बढेपछि बुधबार अपराह्न ४ बजे उपचारका लागि अस्पताल लगिएको थियो ।