राष्ट्रिय योजना आयोगका पूर्व उपाध्यक्ष डा. शाक्यको कोरोना संक्रमणबाट निधन

जनस्वास्थ्य सरोकार, काठमाडौँ । राष्ट्रिय योजना आयोगका पूर्व उपाध्यक्ष डा. रवीन्द्रकुमार शाक्यको कोरोना संक्रमणबाट निधन भएको छ। ७६ बर्षीय शाक्यको आज विहान ४ बजे ललितपुरको भैँसेपाटीस्थित नेपाल मेडिसिटी अस्पतालमा उपचारका क्रममा निधन भएको अस्पतालले  जनाएको छ । गत २० कात्तिकमा कोरोना संक्रमण देखिएका शाक्यलाई २५ कात्तिकमा ग्लोबल अस्पतालमा भर्ना गरिएको थियो । स्वास्थ्य अवस्थामा सुधार नआएपछि ९ मंसिरमा मेडिसिटी अस्पताल सारिएको पारिवारिक स्रोतले जानकारी दिएको छ । उहाँको मेडिसिटी अस्पतालमा भेन्टिलेटरमा उपचार भइरहेको थियो । ललितपुर कुपण्डोल निवासी शाक्यको श्रीमती र तीन छोरा तथा एक छोरी छन्।