हालको ठेगाना खुलाउन स्वास्थ्य मन्त्रालयको आग्रह

जनस्वास्थ्य सरोकार, काठमाडौं । कोरोना परीक्षणको क्रममा हालको ठेगानालाई स्पष्ट खुलाउन स्वास्थ्य तथा जनसंख्या मन्त्रालयले आग्रह गरेको छ ।

कोरोना परीक्षणका लागि नमूना संकलन गर्दा व्यक्तिहरुको सहि ठेगाना उल्लेख गर्न आग्रह गरेको हो । विगतमा हाल बस्दै आएको ठेगाना नखुलाउँदा कोरोना संक्रमण भएका व्यक्तिहरुलाई सम्पर्क गर्न कठिनाई हुँदै आएको थियो ।

स्वास्थ्य मन्त्रालयका प्रवक्ता डा.जागेश्वर गौतमका अनुसार कोरोना पोजेटिभ आएका व्यक्तिहरुको सम्पर्कमा आएकाहरुको खोजी अनुसन्धान तथा जाँचपड्ताल गर्न र स्थान विशेष पहिचान गर्न कठिनाई हुने गरेको छ । सहि ठेगाना नभएकै कारण संक्रमितसँग सम्पर्क हुन सकेको छैन ।