थप ५३४ जनामा कोरोना संक्रमण, ९ जनाको मृत्यु

जनस्वास्थ्य सरोकार, काठमाडौँ । पछिल्लो २४ घण्टामा ६ हजार जनामा पिसिआर गर्दा थप ५३४ जनामा कोरोना संक्रमण पुष्टि भएको छ । योसँगै हालसम्म सङ्क्रमित हुनेको सङ्ख्या दुई लाख ६० हजार ५९३ पुगेको छ ।

स्वास्थ्य तथा जनसङ्ख्या मन्त्रालयका अनुसार पछिल्लो २४ घण्टामा ४४७ कोरोना सङ्क्रमित निको भएका छन् । योसँगै कोरोनाबाट निको हुनेको सङ्ख्या दुई लाख ५२ हजार ३५९ पुगेको छ ।

त्यसैगरी गत २४ घण्टामा कोरोना सङ्क्रमणबाट थप ९ जनाको मृत्युसँगै हालसम्म मृत्यु हुनेको सङ्ख्या १ हजार ८५६ पुगेको छ ।