अन्ततः फाइजरको खोपलाई विश्व स्वास्थ्य संगठनको मान्यता

जनस्वास्थ्य सरोकार, काठमाडौं । विश्व स्वास्थ्य संगठनले अमेरिकामा उत्पादन भएको फाइजर र बायोएनटेकले बनाएको कोरोना भाइरस विरुद्धको भ्याक्सिनलाई अनुमति दिएको छ ।

विश्वस्वास्थ्य संगठनले ती दुइ कम्पनीको भ्याक्सिनलाई अनुमति आपतकालीन प्रयोगको लागि मान्यता दिएको छ । यो संगै फाइजरको खोप विश्व स्वास्थ्य संगठनद्वारा कोभिड भ्याक्सिनको आपतकालीन प्रयोगको मान्यता पाउने पहिलो भ्याक्सिन बनेको छ । विश्व स्वास्थ्य संगठनले भ्याक्सिन प्रयोग महामारीविरुद्ध लड्न महत्वपूर्ण हुने बताएको छ ।

संगठनले भ्याक्सिनको प्रभावकारिता र सुरक्षाका बारेमा नियामक विशेषज्ञहरुले समीक्षा गरेको समेत जनाएको छ । फाइजरको खोप प्रयोग गर्न चाहने देशहरुले आफ्नो देशको नियामक निकायमा दर्ता गरी भ्याक्सिन आयात गर्न सक्नेछन् ।