एक वर्षपछि नर्सिङ स्टाफको स्तरवृद्धि

जनस्वास्थ्य सरोकार, काठमाडौं । स्वास्थ्य सेवा विभागले एक सय नर्सिङ स्टाफको स्तरवृद्धि गरेको छ । चौथो तहका ७३ जना अनमी तथा स्टाफ नर्सको पाँचौ सहायकमा स्तरवृद्धि भएको विभागका शाखा अधिकृत एकनाथ नेपालले जानकारी दिनुभयो ।
एक वर्षअघि स्तरवृद्धिका लागि आवेदन दिएका थिए । यस्तै, पाँचौ सहायकबाट छैटौं अधिकृतमा २७ जनाको स्तरवृद्धि भएको छ । उनीहरुको कार्यसम्पादन मुल्यांकनको आधारमा बढुवा भएको स्वास्थ्य सेवा विभागले जनाएको छ ।
नर्सहरुको स्वास्थ्य सेवा ऐन २०५३ संसोधन २०७० को दफा नौको उपदफा एक अनुसार स्तरवृद्धि गरिएको हो ।