एन्फा र गंगालाल अस्पतालबिच सम्झौता, २० खेलाडीको मुटु परीक्षण

जनस्वास्थ्य सरोकार, काठमाडौँ । अखिल नेपाल फुटबल संघ (एन्फा) ले खेलाडीको स्वास्थ्य परीक्षणका लागि शहीद गंगालाल अस्पतालसँग सम्झौता गरेको छ।

एन्फाका अध्यक्ष कर्माछिरिङ शेर्पा र गंगालाल अस्पतालका कार्यकारी निर्देशक चन्द्रमणि अधिकारीले ‌मं‌‌गलबार सम्झौतापत्रमा हस्ताक्षर गर्नुभयो ।

सम्झौतालगत्तै गंगालालले राष्ट्रिय टोलीको बन्द प्रशिक्षणमा रहेका २० खेलाडीको मुटु परीक्षण गरेको छ।

मुटु परीक्षण गराउने खेलाडीमा एरिक विष्ट, दीप कार्की, अजित भण्डारी, देवेन्द्र तामाङ, नवयुग श्रेष्ठ, सुजल श्रेष्ठ, विशाल राई, सुरज विक, आशिष लामा, त्रिदेव गुरुङ, छिरिङ गुरुङ, दर्शन गुरुङ, इशान खड्का, संजोक राई, रविशङ्कर पासवान, पाल्साङ लामा र रञ्जित धिमाल तथा एन्फा पदाधिकारी उपेन्द्रमान सिंह, इन्द्रमान तुलाधरलगायत छन्।