भारतबाट घर फर्कनेलाई नाकामा १० मास्क

जनस्वास्थ्य सरोकार । काठमाडौं । भारतमा रोजगारीबाट फर्केकाहरुबाट संक्रमणको जोखिम कम गर्न सीमाक्षेत्रमा मास्क वितरण गरिने भएको छ ।

स्वास्थ्य तथा जनसंख्या मन्त्रालयका सचिव लक्ष्मण अर्यालको अध्यक्षतामा बसेको इन्सिडेन्ट कमाण्ड सिस्टम (आईसीएस)को बैठकले सीमाक्षेत्रमा मास्क वितरण गर्ने निर्णय गरेको हो ।

स्वास्थ्य सेवा विभाग, इपिडिमियोलोजी तथा रोग नियन्त्रण महाशाखा (ईडीसिडि)का निर्देशक डा. कृष्णप्रसाद पौडेलले प्रतिव्यक्ति ५ देखि १० वटा सम्म मास्क वितरण गरिने जानकारी दिनुभयो ।
डा. पौडेलले भन्नुभयो—घर फर्कन लागेका व्यक्तिलाई पाँच देखि दश वटा सम्म निःशुल्क मास्क वितरण गर्दा अरुलाई संक्रमण सर्न पाउँदैन । अन्य व्यक्तिबाट पनि सर्न सक्दैन । यसले गर्दा कोरोना संक्रमण फैलन पाउँदैन । रोकथाममा सहयोग पुग्छ ।