भारतमा एकैदिन थपिए ९२ हजार बढी संक्रमित, अवस्था भयावह बन्दै

जनस्वास्थ्य सरोकार। भारतमा कोरोना संक्रमण दर ह्वात्तै बढेको छ । केन्द्रीय स्वास्थ्य मन्त्रालयका अनुसार पछिल्लो २४ घण्टामा देशभर ९२ हजार ९९४ जनामा संक्रमण पुष्टि भएको छ । शनिबारमात्रै ५ सय १४ जनाको मृत्यु भएको छ । २४ घण्टाभित्र संक्रमित थपिएको यो संख्या ६ महिनायताकै उच्च हो ।

योसँगै भारतमा कोरोना संक्रमितको संख्या करिब १ करोड २४ लाख पुगेको छ भने कोरोनाबाट ज्यान गुमाउनेको संख्या १ लाख ६४ हजार नाघेको छ । संक्रमण पुष्टि भएकामध्ये करिब १ करोड १६ लाख निको भएका छन् ।