२ हजार ४ सय २८ संक्रमित थपिए, ५ जनाको मृत्‍यु

जनस्वास्थ्य सरोकार, काठमाडौँ । पछिल्लो २४ घन्टामा थप २४ सय २८  जनामा कोरोना भाइरस संक्रमण पुष्टि भएको छ। १० हजार १ जनाको पीसीआर र ४४७ जनाको एन्टिजेन परीक्षण गराउँदा २४ सय २८ जनामा कोरोना पुष्टि भएको हो।

पीसीआर परीक्षणबाट २३ सय ६५ जना र एन्टिजेन परीक्षणबाट ६३ जनागरी २४ सय २८ जनामा कोरोना संक्रमण देखिएको स्वास्थ्य तथा जनसंख्या मन्त्रालयले जनाएको छ ।

मन्त्रालयका अनुसार १२ हजार ६९० जना कोरोनाका सक्रिय संक्रमित छन्। यस्तै पछिल्लो २४ घन्टामा २५२ जना कोरोनामुक्त भएका छन्।

नेपालमा हालसम्म २ लाख ७६ हजार ३४५ जना निको भएका छन् भने कुल संक्रमितको संख्या २ लाख ९२ हजार १५२ पुगेको छ । कुल मृतकको संख्या ३ हजार ११७ पुगेको छ ।

स्वास्थ्य मन्त्रालयका अनुसार २५ घण्टामा ५ जनाको कोरोना संक्रमणबाट मृत्‍यु भएको छ । यससँगै मृतकको संख्या ३ हजार १ सय १७ पुगेको मन्त्रालयले जनाएको छ ।