भौतिक उपस्थितिमा हुने सबै परीक्षाहरु आजदेखि स्थगित , एसईईबारे मौन

जनस्वास्थ्य सरोकार, काठमाडौं । कोभिड संकट व्यवस्थापन केन्द्र (सीसीएमसी) ले अर्को आदेश नभएसम्म भौतिक उपस्थितिमा हुने पूर्वनिर्धारित सबै परीक्षाहरु स्थगित गर्ने निर्णय गरेको छ । कोरोनाभाइरसको नयाँ प्रजाति संक्रमणको जोखिम कम गर्न आजदेखि सबै पूर्वनिर्धारित परीक्षा स्थगित गरिएको सीसीएमसीले जनाएको छ ।

सीसीएमसी सचिवालय संयोजक खगराज बरालले विज्ञप्ती जारी गर्दै आइतबारको सीसीएमसी बैठकले भौतिक उपस्थिति नभई भर्चुअल र वैकल्पिक माध्यमबाट पठनपाठन जारी राख्नेसमेत निर्णय गरेको छ । तर एसईईसी परीक्षाबारे सिसिएमसी बोलेको छैन ।