भेरी अस्पतालमा ८ चिकित्सकसहित ८३ जना स्वास्थ्यकर्मीमा कोभिड १९ संक्रमण

जनस्वास्थ्य सरोकार, बाँके । कोरोना भाइरस ९कोभिड—१९० संक्रमणको दोस्रो लहरले मुलुकमा व्यापकता लिँदै गर्दा उपचारमा संलग्न चिकित्सक र स्वास्थ्यकर्मीहरु जोखिममा पर्न थालेका छन् । बाँके जिल्लाको भेरी अस्पतालमा उपचारमा संलग्न ८ चिकित्सकसहित ८३ जना स्वास्थ्यकर्मीमा संक्रमण देखिएको छ  ।

अस्पतालमा अहिले २४२ जना संक्रमितको उपचार भइरहेको छ । । अस्पतालका अनुसार, ७५ देखि ८० प्रतिशत बिरामीलाई अक्सिजन दिनुपरेको छ । अहिले ७५ जनाको आईसीयू र ९ जनाको भेन्टिलेटरमा उपचार भइरहेको छ ।
अस्पतालमा जनशक्तिको अभाव छ । अस्पतालले ३ एनेस्थेसियोलोजिष्ट , १० जना मेडिकल अधिकृत, २ जना नर्सिङ अधिकृत, ५ जना ल्याब टेक्निसियन र ४० जना स्टाफ नर्स गरी ६० जना कर्मचारी करारमा माग गरेको छ ।