पूर्वरानी कोमल शाहलाई प्लाज्मा थेरापीबाट उपचार थालियो

जनस्वास्थ्य सरोकार, काठमाडोँ । पूर्वरानी कोमल शाहलाई प्लाज्मा थेरापीबाट उपचार थालिएको छ । उहाँलाई बिहीबार साँझदेखि प्लाज्मा थेरापीबाट उपचार थालिएको नर्भिक अस्पतालले जनाएको छ ।

श्वासप्रश्वासको समस्या देखिएको र अक्सिजनको समेत कमी देखिएपछि उहाँलाई बुधबार साँझ आइसियूमा सारिएको थियो । आज पनि हाई फ्लो अक्सिजनको सपोर्टमा राखिएको छ ।

अस्पतालमै उपचाररत पूर्व राजा ज्ञानेन्द्र शाहको अवस्था भने सामान्य र स्थिर छ । उहाँ पनि हाल अक्सिजनकै सामान्य सपोर्टमा हुनुहुन्छ । पूर्व अधिराजकुमारी प्रेरणाको अवस्था भने सामान्य भइसकेको छ । उहाँलाई अक्सिजनको सपोर्ट दिनु परेको छैन ।