एकैदिन थपिए ९ हजार बढी कोरोना संक्रमित, ५४ जनाको ज्यान गयो

जनस्वास्थ्य सरोकार, काठमाडौँ । देशभर थप ९ हजार ७० संक्रमित थपिएका छन्। एकै दिन थपिएको यो संख्या हालसम्मकै उच्च हो। आज २१ हजार १ सय ४२ को परीक्षण गरिएको थियो। जसमध्ये पिसिआर परीक्षण गर्दा ८ हजार ९७० जना र एन्टिजेन परीक्षणबाट १ सय जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ।

यस दिन काठमाडौं उपत्यकामा ३ हजार ९७२ जना संक्रमित थपिएका छन्। जसमा काठमाडौं जिल्लामा ३ हजार १६३, भक्तपुरमा २४२ र ललितपुरमा ५६७ जनामा संक्रमण देखिएको छ।

यो सहित हालसम्म संक्रमित हुनेको संख्या ३ लाख ६८ हजार ५८० पुगेको छ। आज कोरोना संक्रमणबाट ५४ जनाले ज्यान गुमाएका छन्। योसँगै मृत्यु हुनेको संख्या ३५२९ पुगेको छ।

त्यस्तै २ हजार ७०७ जना निको भएका छन्।अहिलेसम्म २ लाख ९२ हजार ४९० जना कोरोनाबाट निको भएका छन्।