आइतबार ७९१४ जनामा संक्रमण पुष्टि, ७६६४ जना संक्रमणमुक्त, १९३ जनाको मृत्यु

जनस्वास्थ्य सरोकार, काठमाडौँ । नेपालमा पछिल्लो चौविस घण्टामा देशभर ७ हजार ९१४ जनामा संक्रमण पुष्टि भएको छ । पीसीआर विधिबाट ७ हजार ५९८ र एन्टिजेन विधिबाट ३१६ गरि जम्मा ७ हजार ९१४ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

आज काठमाडौँ उपत्यकाभित्र भक्तपुरमा ३६६ ललितपुरमा ६९४ र काठमाडौँमा १ हजार ७६१ गरी जम्मा २ हजार ८२१ जनामा संक्रमण पुष्टि भएको छ ।
नेपालमा हाल सक्रिय संक्रमितको संख्या १ लाख १५ हजार ५४७ पुगेको छ ।

पछिल्लो चौविस घण्टामा १९३ जना कोरोना संक्रमितको निधन भएको छ । त्यसैगरी सोहि अवधिमा ७६६४ जना संक्रमण मुक्त भएर घर फर्किएका छन् । देशभर ८७३ जना क्वारेन्टीनमा छन् ।