वीर अस्पतालमा ओपीडी सेवा पुनः सुरु

जनस्वास्थ्य सरोकार, काठमाडौँ । वीर अस्पतालमा मंगलबारबाट जनरल ओपीडी सेवा पुनः सुरु भएको छ। कोभिड–१९ दोस्रो लहरको संक्रमण बढेसँगै यो सेवा बन्द गरिएको थियो ।

कोभिड युनिफाइड केन्द्रीय अस्पताल (वीर अस्पताल) प्रमुख कार्यकारी अधिकारी प्रा.डा.जागेश्वर गौतमले अबको एक सातामा कोरोनाका सबै बिरामीलाई नयाँ सर्जिकल भवनबाट उपचार गरिने जानकारी दिनुभयो ।

हाल वीर अस्पतालको नयाँ तथा पुरानो भवनमा गरी जम्मा १५३ जना कोरोना संक्रमित उपचारर छन। त्यस्तै राष्ट्रिय ट्रमा सेन्टरमा पनि आकस्मिक शल्यक्रिया सुरु गरिएको अस्पतालका निर्देशक डा. सन्तोष पौडेलले जानकारी दिनुभयो । अहिले ट्रमामा कोभिड–१९ का ४० जना बिरामीको उपचार भइरहेको छ।

एक हप्ताभित्रै कोभिड–१९ का सबै बिरामीलाई नयाँ सर्जिकल भवनबाट उपचार गरिने र ‘वीर र राष्ट्रिय ट्रमा सेन्टर दुवैको नियमित सेवा एक हप्ताभित्र सुरु गर्ने गौतमले बताउनुभयो ।