प्रधानमन्त्री ओलीद्वारा वीर अस्पतालको नवनिर्मित भवन उद्‍घाटन

जनस्वास्थ्य सरोकार, काठमाडौँ । वीर अस्पतालको नवनिर्मित सर्जिकल भवनको उद्घाटन भएको छ । प्रधानमन्त्री केपी शर्मा ओलीले आइतबार बिहान नवनिर्मित सर्जिकल भवनको उद्घाटन गर्नुभएको हो ।

अस्पतालका प्रमुख प्रशासकिय अधिकारी डा. जागेश्वर गौतमले कोभिड १९ महामारीका बाबजुद् अस्पतालको भवन तोकिएको समयभन्दा अगाडि नै निर्माण सम्पन्न भएको जानकारी दिनुभयो । उहाँले आइसियु, एचडियु र जनरल गरि ५ सय बेड थपि सेवा विस्तारको तयारीमा रहेको जानकारी दिनुभयो ।

यस्तै डा. गौतमले २५ बेडको आकस्मिक कक्षलाई १०० बेड, १०० बेडको आइसीयूलाई २०० बेड र १५ बेडको डायलाइसिसलाई १०० बेडमा स्तरोन्नती गर्ने, दैनिक ७५ वटा सर्जरी र मासिक १५ वटा मिर्गौला प्रत्यारोपण गर्ने योजना रहेको बताउनुभयो ।

प्रधानमन्त्री ओलीले २०७४ फागुन २५ गते भवनको शिलान्यास गरेका गर्नुभएको थियो ।