देशभर १,४७६ जनामा कोरोना संक्रमण, ९ जनाको मृत्यु

जनस्वास्थ्य सरोकार, काठमाडौँ । नेपालमा थप १,४७६ जनामा कोरोना भाइरस संक्रमण पुष्टि भएको छ ।

देशभरका प्रयोगशालाबाट १० हजार ५७५ पीसीआर परीक्षणमा ११०३ र ५ हजार ११५ एन्टिजेन परीक्षणमा ३७३ जना गरी १,४७६ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

त्यस्तै, काठमाडौं उपत्यकामा थप ३६४ कोरोना संक्रमित थपिएका छन्।  स्वास्थ्य तथा जनसंख्या मन्त्रालयका अनुसार काठमाडौंका २५६ , ललितपुरका ७३ र भक्तपुरमा ३५ जनामा कोरोना संक्रमण पुष्टि भएको मन्त्रालयले जनाएको छ।

पछिल्लो २४ घण्टामा १,५५० जना कोरोना संक्रमणमुक्त भएका छन् । हालसम्म संक्रमणमुक्त हुनेको संख्या ७ लाख ५८ हजार ५०४ पुगेको छ । त्यस्तै, सोही अवधिमा ९ जनाको मृत्यु भएको छ । हालसम्म कोरोनाबाट ११ हजार ८१ जनाको निधन भएको छ ।

देशभर सक्रिय संक्रमितको संख्या २० हजार २८७ जना रहेका छन् ।