देशभर ५४५ जनामा संक्रमण, ८ जनाको मृत्यु

जनस्वास्थ्य सरोकार, काठमाडौँ । नेपालमा थप पाँच सय ४५ जनामा कोरोना भाइरसको संक्रमण पुष्टि भएको छ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ८ हजार ५ सय ४९ जनाको कोरोना परीक्षण गर्दा सो संख्यामा संक्रमित थपिएका हुन्।

६ हजार ५८६ जनाको पिसिआर परीक्षण र १९६३ जनाको एन्टिजेन परीक्षण गरिएको थियो।

पछिल्लो २४ घण्टामा काठमाडौं उपत्यकामा २१४ जना कोभिड संक्रमित थपिएका छन् ।

आज काठमाडौंमा १४७, भक्तपुरमा १६ र ललितपुरमा ५१ जना संक्रमित थपिएका हुन् ।

त्यस्तै पछिल्लो २४ घण्टामा ८ जनाको मृत्यु भएको छ । योसँगै नेपालमा कोभिड संक्रमणका कारण मृत्यु हुनेको संख्या ११ हजार ३२६ पुगेको छ ।

योसँगै नेपालमा सक्रिय संक्रमितको संख्या ११ हजार ३१५ पुगेको स्वास्थ्य तथा जनसंख्या मन्त्रालयले जनाएको छ ।  आज देशभर १० हजार ५३० जना होम आइसोलेसनमा, ७८५ जना संस्थागत आइसोलेसनमा, २८८ जना आईसीयू तथा ९८ जना भेन्टिलेटरमा रहेको स्वास्थ्य तथा जनसंख्या मन्त्रालयले जनाएको छ ।